Pam fod iechyd meddwl a lles athrawon yn bwysig?

Ni all unrhyw un wneud ei orau yn y gwaith os ydyn nhw wedi ymlâdd yn feddyliol ac yn gorfforol. 

Felly, pam fod athrawon a staff ysgol yn haeddu sylw arbennig? 

Mae cost cael athrawon yn sâl yn feddyliol y gwaith yn rhy uchel i gymdeithas. 

Mae athrawon a phob aelod o staff ysgol yn cyflawni eu gwaith yng nghyd-destun mwy a mwy o dlodi plant, ac mae mwy o blant yn cael eu cydnabod fel rhai sy’n agored i niwed neu’n byw mewn llety dros dro. 

Nid yw’n syndod felly yr amcangyfrifir bod un o bob chwe phlentyn o oed ysgol yn y DU yn dioddef o anhwylder iechyd meddwl y gellir ei ddiagnosio, cynnydd o un mewn naw yn 2017.

Mae’n cael ei gydnabod eisoes y bydd Covid-19 yn ehangu’r bwlch mewn dysgu a chyrhaeddiad rhwng plant y teuluoedd incwm uchaf ac isaf.  Mae arbenigwyr yn amcangyfrif bod llawer o blant o leiaf 6 mis ar ôl lle ddylen nhw fod.

Mae’r ffactorau hyn yn dylanwadu ar gyfleoedd plant mewn bywyd, ac yn amlwg i athrawon a staff mewn ysgolion bob dydd. 

Y tu allan i’r cartref, staff ysgol yw’r oedolion mwyaf dylanwadol ym mywyd plentyn.  Maent yn gweithio’n galed i ddiwallu anghenion disgyblion sy’n fwyfwy agored i niwed gyda dealltwriaeth a chydymdeimlad. 

Mae rhoi cefnogaeth i athrawon felly yn fater o adferiad cenedlaethol. 

Mae’n hanfodol fod y rhai sy’n gyfrifol am ddysgu ac ysbrydoli’r genhedlaeth hon o blant yn ddigon iach i fod yno ar gyfer eu disgyblion – yn gorfforol ac yn emosiynol.

Rydym yn credu y gall buddsoddi’n briodol yn iechyd meddwl athrawon wneud y gwahaniaeth rhwng person talentog yn parhau gyda’i yrfa neu’n ei adael